📰 अष्टविनायकांपैकी पहिले मोरगाव गणपती उत्सवाची भव्य तयारी

बारामती तालुका |
अष्टविनायकांपैकी पहिले स्थान असलेल्या मोरगाव श्री मोरेश्वर (गणपती) मंदिरात यंदाचा गणेशोत्सव उत्साहात साजरा करण्याची जय्यत तयारी सुरू झाली आहे. दरवर्षीप्रमाणे यंदाही मंदिर परिसरात भाविकांची मोठी गर्दी अपेक्षित आहे.

गणरायाची प्रतिष्ठापना २९ ऑगस्ट रोजी सकाळी वेदघोषात व मंत्रोच्चारात करण्यात येणार आहे. सकाळ-संध्याकाळ आरती, सहस्रावर्तन, हरिपाठ, कीर्तन व भजन यांचे आयोजन केले गेले आहे. मंदिर मंडपात दररोज धार्मिक कार्यक्रमांमुळे भाविकांना अध्यात्मिक अनुभूती मिळणार आहे.

भाविकांची उत्सुकता

गणपती मंदिराच्या परिसरात लाईटिंग, फुलांची सजावट व आकर्षक देखावे उभारले जात आहेत. पुणे, सोलापूर, अहमदनगर, सातारा अशा जिल्ह्यांमधून हजारो भाविक मोरगावला येऊन दर्शन घेणार आहेत. उत्सवाच्या पार्श्वभूमीवर पोलिसांकडून सुरक्षा व्यवस्था वाढविण्यात आली आहे.

मंदिर समितीचे अध्यक्ष म्हणाले, “मोरगाव गणपती हे अष्टविनायकांतील पहिले स्थान असल्याने दरवर्षी येथे लाखो भाविक दाखल होतात. या उत्सवातून धार्मिकतेबरोबरच सामाजिक एकतेचा संदेश दिला जाणार आहे.

पत्रकार – भीमसेन अर्जुन जाधव ( ‘एक नजर महाराष्ट्र न्युज’ )