एक नजर महाराष्ट्र न्युज दौंड : भिगवण येथे घडलेल्या घटनेप्रकरणी गुन्हा दाखल करण्यात आला आहे. या संदर्भात पोलीस प्रशासनाला योग्य ती कार्यवाही करण्याच्या सूचना दिल्याची माहिती दौंडचे आमदार राहुल कुल यांनी दिली आहे. सामाजिक जाणिवेतून आम्ही काम करत असून संबंधित मुलीच्या कुटुंबाच्या पाठीशी भक्कमपणे उभे आहोत, असे त्यांनी स्पष्ट केले. मुलीच्या बाजूने ठाम भूमिका घेतल्यामुळे जाणीवपूर्वक आमची बदनामी करण्याचा प्रयत्न होत असल्याचा संशयही त्यांनी व्यक्त केला. आरोप करणाऱ्यांनी वस्तुस्थिती जाणून घेतल्यानंतरच आरोप करावेत, असे आवाहन त्यांनी केले. घटना समजताच आपण तात्काळ पोलिसांच्या संपर्कात आलो असून योग्य तपास व्हावा यासाठी सूचना दिल्याचेही त्यांनी सांगितले.
Rahul Kul
(फोटो- महाराष्ट्र टाइम्स.कॉम)
तपासाची संपूर्ण माहिती मुलीच्या कुटुंबाला द्यावी तसेच त्यांना तपासात सहकार्य करावे, अशी मागणीही पोलिसांकडे केल्याचे त्यांनी नमूद केले. आपण संबंधित मुलीच्या मामांच्या संपर्कात असून आवश्यक ती मदतही करण्यात आल्याचा दावा त्यांनी केला.
या प्रकरणाला काही जणांकडून राजकीय वळण देण्याचा प्रयत्न होत असल्याची शक्यता त्यांनी व्यक्त केली. दोषी कोणीही असो, त्यांच्यावर कठोर कायदेशीर कारवाई व्हावी, अशी आमची स्पष्ट भूमिका असल्याचेही त्यांनी सांगितले. आवश्यक असल्यास मुलीच्या कुटुंबीयांची भेट घेऊन मदत करण्यास आपण तयार असल्याचेही त्यांनी नमूद केले.
Sponsored Links
You May Like
पालकांसाठी आरोग्य विमा
पॉलिसीबाजार आरोग्य विमा
by Taboola
राहुल कुल नेमकं काय म्हणाले?
“परवा भिगवण या ठिकाणी तरुणीची तक्रार आली. या प्रकरणात सातत्याने पोलिसांच्या संपर्कात राहून, त्याचबरोबर मुलीच्या मामाच्या आणि नातेवाईकांच्या संपर्कात राहून, सातत्याने त्या कुटुंबाला मदत करण्याचा प्रयत्न आम्ही सगळ्या प्रशासनाने केला. काल त्या मुलीचा शोध होईपर्यंत पोलीस प्रशासनाला दर एक-दोन तासांनी मी फोन करत कारवाईच्या सूचना केल्या आहेत”, असं राहुल कुल म्हणाले.
“मुलगी मिळाल्यानंतर आज जे आरोप झाले त्याबद्दल मी एवढंच सांगेन की, या सगळ्या परिसरात काम करत असताना आम्ही सामाजिक जाणीवेतून काम करतो. त्यामुळे कुणी काही आरोप करत असतील तर मलाही नमूद करायचं आहे की, मलाही एक मुलगी आहे. माझ्या घरात महिला पदाधिकारी राहिलेल्या आहेत. त्यामुळे महिलांचा प्रश्न कशा पद्धतीने हाताळावा याची जाणीव मला आहे”, असंदेखील राहुल कुल म्हणाले.
“कदाचित आज कुणी स्टेटस ठेवला. हा जो विषय आहे, मी या प्रकरणात मुलीच्या बाजूने भक्कम भूमिका घेतल्यामुळे असं केलेलं असावं, असं माझं प्राथमिक मत आहे. पण या सगळ्या प्रकारणाची चौकशी करावी. त्याचबरोबर त्या मुलीचा शोध घ्यावा आणि जे दोषी आहेत त्यांच्यावर कारवाई करावी”, अशी मागणी राहुल कुल यांनी केली.
“आरोप करणाऱ्यांनी आधी वस्तुस्थिती तपासावी आणि मगच आरोप करावेत. अशी विनंती मी निश्चित करेन. त्या कुटुंबाविषयी आम्ही सर्वजण सहानुभूतीपूर्वक मदतीच्या भूमिकेत आहोत. त्या कुटुंबाला जी मदत लागेल ती करण्याच्या भूमिकेत आम्ही आहोत. प्रशासनाकडून मुलीची समजूत घालण्याचा प्रयत्न केला जात आहे. त्या कुटुंबाला जो पाठबळ आहे त्यासाठी आम्ही कटिबद्ध आहोत. त्यामुळे कुणी जर असा समज पसरलत असतील तर तुमच्याही घरात मुली आहेत आणि माझ्याही घरात मुली आहेत. वस्तुस्तिथीची जाणीव ठेवून आणि तपासून आरोप करावे, असं नम्र आवाहन मी सगळ्यांना करेन”, अशी भूमिका राहुल कुल यांनी मांडली.
रोज पहा. एक नजर महाराष्ट्र न्युज
